En este livro album vemos las fotos del famozo fotografo, Izzet Keribar i los tekstos del investigador, Naim A. Güleryüz.
El livro fue publikado en 2 volumenes en 2008 i tuvo muncho sukseso.
Kon el pasaje de tiempo las sinagogas de Turkiya trokaron muncho. Unos se serraron por razones demografikos (Bakırköy, Kaza de los Vyejos); unos trokaron funksiones (Esgher, Zülfaris, Parmakkapı, İzmir Portugal i Bet Hillel) i unos se renovaron (Shaar Ashamayim). Unas sigagogas vyejas kkomo Edirne, Bergama, Gaziantep i Kilis se restoraron.
Por esto fue nesesario renovar i re-publikar este livro.
Este album de dos volumenes se izo komo un parkur de paseo.
El primer volume empesa de Balat, la kosta de Marmara i las izlas, las kostas de Anatolia i Rumeli, i despues Şişli-Beyoğlu-Galata ile Hasköy-Kemerburgaz.
El segundo volume empesa de Edirne i inkluye a Trakya, las kostas del Egeo i Mediterraneo, el sud-este de Anatolia, Ankara i Bursa.
“Las Sinagogas de Turkiya” ke kreemos ke reprezente el legado turko i judio en una manera ekselente, fue publikado en papel spesial kon teknolojiya moderna en turko i en inglez.
