Sinko siglos atras, los Djudios ke emigraron de Espanya a las tierras turkas trusheron kon eyos las tradisiones kulinarya, relijioza i sosial. Estas tradisiones ke se transmitieron de jenerasion en jenerasion se izieron muestra erensia… Devido a trokamientos en modos de vida i sirkunstansias, estas tradisiones estan en peligro de ser pedridas. Muestro puevlo pasa mas manko tiempo en sus kozinas i preferan gizar komidas mas pratikas. Las reseftas de la komidas sefaradis ke se gizan en Turkiya estan rekopiladas en este livro para prezervar las tradisiones kulinaryas de los sefardim.
