Las Patadas de los Judios
Muestro objektivo era de krear una memoria de la sivdad. Kijimos topar las patadas de los judios en lugares ande no estan mas. Pensimos ke iva ser un proyekto sovre Estambol solo ma mos konektimos a munchas famiyas de otros lugares tambien. Las entrevistas fueron muy emosionante para todos. Fue muy interesante oir las istorias de los testigos a la istoria ke solo aviyamos meldado en livros. Durante este proyekto arekojimos un monton de dokumentos i fotos. Fue muy impresionante
oir de muestros grandes
la vida de antes. Vimos ke los momentos los mas oskuros salieron en medio porke les demandimos. Vimos tambien el amor ke todos tienen para los lugares ande no biven mas. Diferentes grupos etnikkos i kulturas bivieron en estas tierras komo ermanos. Esto lo vimos en las entrevistas ke izimos en las kayes .
Memorias ke no enviejesen. Si, la vida de la sivdad ande bivimos
troko muncho. Vimos komo las kayes eran lugares ande las kreaturas djugavan,
i ande no aviya diferensia entre los rikos i los proves.
En sintiendo las valores de antes, regretimos la piedrita de munchas de estas valores. I mozotros inchimos muestras chantas kon memorias i valutozas informasiones.
