Renan Koen – Trasas Pedridas Rekuerdos Eskondios

$18,00

Kategoria:

Renan Koen, pianista, kompozitora, soprano i muzikoterapista, kreo su album, “Trasas Pedridas Rekuerdos Eskondidos” sovre la istoria de su famiya. Este album maraviyozo ya salio i se vende en los marketes de muzika kon la etiketa Kalan Müzik. En esta istoria ke sale de Espanya i ke kontinua en Gresia, Anatolia, Misrayim i el Medio Oriente, muestra artista eskoje kantes Sefardis de estos mizmos lugares i kaji los rekompoza para varios grupos de kamara. El Ladino/Judeo-Espanyol tiene por baza la lingua espanyola del siglo 15 ke despues se transformo en la lingua de los judios del Impreio Otomano. Los viajes de los kantes en esta lingua influensaron muncho a la Sra. Koen. Judeo-Espanyol/Ladino es una lingua senteza ke se formo de las uniones de las kulturas de los lugares ande se topo. Kuando se adjunto la ekselente formasyon muzikal de Renan Koen a esta erensya kultural, estos kantes vinieron asta muestraos dias i se preparan para muevos viajes. Si keresh sintir una istoria ke avla al korason, ke es suave i sensitivo; a vezes ke korta el suluk i a vezes ke sorprende kon las sorprezas muzikales, alora mete tino a los kantes en este album una ora mas antes. En este album, valorozos muzikantes komo Sasha Rozhdestvensky (violon), Elif Kantarcı (viyola), Sedef Erçetin (chello), Ertan Tekin (duduk), Derya Türkan (kemenche), Özer Özel (tanbur de plektro/kuerda), Mehmet Akatay (perkusion), Kemal Akdoğan (tenor) i Şimon Asayas (hazan) tomaron parte kon la Sra. Koen. “Trasas Pedridas Rekuerdos Eskondidos” ke se realizo kon las valorozas kontribusiones de Martin Elias i Koluman A.Ş. fue produsido por Reuben de Lautour. Los anrejistrimientos fueron echos en la Sinagoga Italyana de Estambol i en Babajim Kayıt Stüdyosu. Una de las sorprezas de la Sra. Koen es ke djugo el Armonium de la Sinagoga Italyana por la primera vez en 200 anyos en frente de la asistensia. Kantikas en el CD:

• Tres Ermanikas Eran
• Una Matiika De Ruda
• Aruoles Yoran Por Luvia
• Morenika a Mi Me Yaman
• Komo La Rosa En La Guerta
• Dos Amantes Tengo La Mi Mama
• De La Djuma Sale El Moro
• Pasharo D’ermozura
• Mi Ze Yemalel
• Torondon
• İstanbul Süiti
• Teslim ‘’Babam’a’’
• Mi Alma Triste
• Noches Noches
• Tres İjas Tiene El Buen Rey
• Dia De Alhad
• Kuando La Komadre Dize
• Adonay Yom Lekha Eerokh Tehina
• Yarad Dodi Legano
• Durme Durme Ermoza Donzeya